Algemeen

Tante Tina's beautysalon


Kiek Mer speeltj vuuer uch: Tante Tina’s Beautysalon
De tante van Jos en Bert is gestorve.
Hie höbbe ze neet erg óm getreurdj want eine bandj mèt tante Tina haaje ze neet.
Sterker nog, ze zeen eigelijk waal blie det tant d'r neet mieër is want noe höbbe zie inins ein erfenis. En waat vuuer ein!
Ze erve ein echte beautysalon.
Jos is d'r van uuevertuugdj det de salon mèt ein bietje vèrf en get kleine aanpassinge vuuer väöl geldj te verkoupe is.
Mer is det waal ein good plan? De salon mót toet aan de verkoup gewuuen doeërdrejje en den höbbe ze good personieël nuuedig want 't klantje bestandj van tant is noe neet bepaoldj gemekkelijk.
Enne...zeen Bert en Jos eigelijk waal de enige erfgename??
Wae sjpele op:
23 en 24 mieert om 20.15 oor
25 mieert om 14.00 oor
in BMV de Nassaurie in Grathem

De kaartverkoup begintj op 10 mieert bie ’t Smidje, Gulden Eind 9 in Grathem, telefonisch kintj gae reservere vanaaf 12 mieert bie Maurice, tel. 0475-452921 (nao 18.00 oor)
Zie facebook: Toneelvereniging Kiek Mer
|Doorsturen